طريقة اللعب
لعبة أسئلة جماعية للدواوين واليمعات — ٦ فئات، ٣٦ سؤال، وفريق واحد يفوز.
1. كوّنوا فريقين أو أكثر
اكتبوا أسماء الفرق، أو خلّوا اللعبة تقسّم اللاعبين عشوائيًا. شخص واحد يكون المقدّم ويمسك الجهاز (أو اعرضوها على التلفزيون).
2. اختاروا ٦ فئات
من مكتبة الفئات: رياضة، فن، كويت، أنمي، ألعاب وغيرها. نصيحة: كل فريق يختار ٣ فئات يحبها.
3. ٣٦ سؤال على اللوحة
كل فئة فيها ٦ أسئلة بثلاث مستويات: سهل (100 نقطة)، متوسط (300)، وصعب (500).
4. وسائل المساعدة
كل فريق يختار وسائل مساعدة قبل البداية: جاوب جوابين، اتصال بصديق، دوبلها، وتخطي. كل وسيلة تنستخدم مرة وحدة بس.
5. دور كل فريق
الفريق اللي عليه الدور يختار سؤال من اللوحة، المقدّم يقراه، والفريق يجاوب قبل ما يخلص الوقت. المقدّم يكشف الجواب ويعطي النقاط للفريق الصح.
6. الفوز
لما تخلص الأسئلة، الفريق صاحب أعلى نقاط يفوز. تقدرون تعدّلون النقاط يدويًا إذا صار خطأ.
أسئلة شائعة
كم سعر اللعبة؟
أول لعبة مجانية لكل حساب (يجيك مفتاح مجاني أول ما تسجّل). بعدها تشترون مفاتيح من المتجر — كل مفتاح = لعبة كاملة بفئات من اختياركم، وكل ما اشتريت مفاتيح أكثر صار أوفر.
شنو المفتاح 🔑؟
المفتاح = لعبة كاملة: تختارون أي ٦ فئات وتجيكم ٣٦ سؤال جديد ما شفتوه قبل. تحصلونه بالشراء، أو بمشاهدة إعلانات (بالتطبيق)، أو لما تدعون صديق.
نقدر نلعب على التلفزيون؟
إي، افتحوا وضع التلفزيون من غرف اللعب، واللاعبين يستخدمون جوالاتهم.
اشتريت لعبة وما وصلت؟
عادةً تنضاف خلال ثواني. إذا ما وصلت خلال ساعة راسلونا على support@aseertime.com ونحلها أو نرجع المبلغ.